SHAMOILI MUHAMMADIYA 1-2

Muallif: Imom abu Iso Muhammad Termiziy .Kitob haqida: Mazkur kitob orqali Siz Olamlarga rahmat Payg‘ambar - Muhammad Mustafo sollallohu alayhi vassalamning shamoillari - ko‘rinishlari, yurish-turishlari, so‘zlashlari, sukutlari, odob-axloqlari haqidagi bilimlaringizni mustahkamlashingiz mumkin bo‘ladi. Bu esa Sizni sunnatga ko‘proq amal qilishingizga yordam beradi, inshaalloh! Buyuk muhaddis Abu Iso Termiziy rahmatullohi alayhning "Shamoili Muhammadiya" kitobi Islom olamida shuhrat qozongan, mo‘tabar sanalgan manbadir. U o‘zining ajoyib uslubi bilan keng kitobxonlar e’tiboriga tushgan, mag‘ribu mashriqqa dong‘i ketgan. Bu muborak kitobda bashariyatning eng afzal vakili, anbiyolar sayyidi Muhammad Mustafo sollallohu alayhi va sallamning tashqi ko‘rinishlari, ulug‘ xislatlari, yuksak xulqlari, go‘zal muomalalari haqidagi hadislar keltirilgan. Mo‘min banda Rasuli akram alayhissalom tashqi ko‘rinishlari, oliy fazilatlari haqida bilishi lozim ma’lumotlar mana shu kitobda bor. Uni qunt bilan o‘qigan kishi Nabiy sollallohu alayhi va sallamga xos go‘zal sifatlarni o‘rganadi. Bu bilan uning iymoni mustahkamlanadi, Rasulullohga hurmat-e’tibori, muhabbami ortadi.